Willkomme uf dr Homepage vo den Abverheyte, wo als eltischti Fraueclique 1938 vo drey junge Fraue gründet worden isch, zue Zytte, wo s no skandalträchtig gsi isch, als Frau an dr Fasnacht z musiziere. Au hüt no nämme mir als Fraueclique e bsundere Blatz im Fasnachtslääbe y. Mir bilde e Gegepool zu gmischte- und Männerclique. Das zeigt sich nid nur in dr Sujetwahl, wo oft us dr Sicht vo de Fraue aktuelli Theme usgspiilt wärde, sondern au im Cliquelääbe s Joor duure, wo so mänggs Gsprööch anderscht verlauft, als wenn Männer sich dra bedeilige wurde.
MIR SUECHE DII !
Du bisch wyblig, 18 Joor alt gsi und hättsch Gluscht mit uns Fasnacht z mache.
Vilicht kasch scho pfyffe oder wotsch es lehre oder wurdsch lieber im Vortrab laufe.
Mäld di uff jede Fall bi uns. Mir freuen is uf dii!
Wottsch im 2027 drby sy?
Ob Vortrab oder Pfyfferin - bi uns sin alli Fraue ab 18 härzlig willkomme und diräggd vo Afang a voll drby!
Bisch nonig so sicher bim Pfyffe oder Afängerin?
Das isch kei Hindernis - in unserer Pfyfferinne-Schuel chasch es lehre! Mäld di bi uns - mir freue uns uff Di!
